helló helló. var í englalandi í síðustu viku og helgi og var það alveg hreint fínt. bauð uppá allt - gleði, drama, drykki og peningaeyðslu. vaknaði klukkan fjögur á miðvikudagsmorguninn til að taka rútuna til billund. alveg hreint frábært að byrja ferðalagið á tveggja klukkustunda svefni. miðvikudagurinn var sem sagt svolítið súr og ekki varð hann betri við að þurfa að bíða eftir hinum ferðalöngunum sem komu með öðrum flugvélum. en allt endaði vel og við dænuðum indverskt, horfðum á fússara og drukkum drykki. svo hittum ég og harpa frænka hrafnhildi golfballerínu og fórum í nokkra drykki og á vel heppnaða opnun starbucks sem gaf okkur ókeypis mat, drykki, tyggjó, andfýlumintur og tja... allt sem við hreinlega vildum. það var gaman. fórum svo út að borða á agalega skemmtilegan stað sem ég man ekki hvað heitir... babusa eða eitthvað svoleiðis. mmm mmm mmmmmm... svo var skautað á atp hátíðina sem var mjög skemmtileg. tónleikarnir sem stóðu uppúr voru án vafa teenage fanclub og the decemberists... jú og herman düne... dinasaur jr. var líka að gera góða hluti en ég náði bara að sjá þá í smá tíma vegna þess að ég var svo óhugnarlega þreytt. annars sá ég ekkert of mikið af tónleikum. frekar glatað. var mikið í huggulegheitum þar sem spil&rauðvínstímarnir stóðu uppúr. en allaveganna... ég ætla aftur á þessa hátíð. alger snilld. spilasalur (sem ég eyddi doldlum tíma í), go cart, sundlaug, unaðslega tónlist og mikið um hygge. það var samt allt annað en hress kristjana sem flaug heim til danmerkur á mánudagskveldið. sjitturinn titturinn hvað ég var þreytt og tussuleg og hvað ég var glöð að komast heim í mitt eigið rúm og vakna án þess að vera umkringdur billjón manns. úff... erfitt var það. en samt svaka gaman.
nú er bara komin helgi aftur. ég búin að vera hálfgerður laslingur alla vikuna plús að vera alltaf óglatt útaf þessu helvítis pensilíni sem ég er búin að vera að taka. oj. er líka komin með útbrot út um allan líkamann sem eru allt annað en fögur.... líka útaf ljóta pensilíninu. er það hundleiðinlegt. þetta fækkar all svakalega hverju maður getur klæðst, því ekki vill maður sýna mislingalík útbrotin á bringunni og höndunum. rúllukraginn er málið.
jæja... læt þetta duga í bili. um helgina ætla ég að rúlla mér til álaborgar og halda uppá stórafmæli andersar. líf og fjör... og stress.
ást&hamingja...
kristjana