Your Scholastic Strength Is Innovating

You are the master of new ideas, techniques, and ways of looking at things. You are talented at structuring thoughts, decision making, clarifying, and making deadlines. You should major in: Marketing Psychology Desgin Cognitive Science Economics Photography

What Should You Major In?

augljóst af hverju ég er svona hæg í öllu þegar ég eyði tíma mínum í svona púkaleg próf á netinu. ég ekki byrjuð að bransast á þessum ágæta föstudegi og klukkan að verða eitt. sit hér með kaffibolla, geng um netheima og hlusta á ótrúlega skemmtilega plötu með yo la tengo - and then nothing turned itself inside-out. elskana.
varðandi þetta próf... það er aldeilis að maður er á rangri hillu. spurning um að taka þetta alvarlega og sækja um starf sem greiningaraðili hjá einum af íslensku bönkunum. get sett þetta próf sem sönnun fyrir því að ég eigi að fá þessa vinnu. ekki það að þetta starf heilli mig agalega mikið. hmm... einkennileg tilfinning. spurning um að slá til. nei, ætli ég haldi mér ekki bara við árósarlífið mitt.

jeg brokker mig igen...

getur það verið að líkami minn sé fullur af ofursmáum dvergum sem sitja með enn minni nálar og pota í öll líffæri mín? eða eru þetta grískir bókstafir úr gaddavír sem reyna að komast í gegnum húð mína? tja... það veit ég eigi. veit þó að það sem hrjáir mig er magnaðar ótti. stressbomba sem fæddist í gær. ég óska mér afar heitt að finna leiðir til að komast í burtu frá taugaspennunni. ég er að reyna að geyma hana í vasanum en hann er eitthvað götóttur og taugspennan spennir sig fast aftur við líkama minn.
já. það var í gær sem ég uppgötvaði að það er fjarska langt þangað til að ritgerð þessi verði sómasamleg. ég er svona að reyna að gera upp við mig hvort sé mikilvægara:

- að skrifa almennilega ritgerð sem felur í sér skilafrest sem svo þýðir að ég mun lifa án þess að fá laun í einhvern tíma
- að skrifa lufsulega ritgerð, gleðjast, byrja að vinna og fá laun

erfitt er valið. síðari valmöguleikinn heillar mig merkilega mikið, en það gæti orðið til þess að ég mun ekki líta ritgerðina fallegum augum á mínu lífsskeiði. verð jafnvel bitur með tár í augunum næstu árin.
en nóg um þetta. ég hef bara því miður ekki annað að segja... nema að mér sýndist ég sjá einn alkóann út á horni kúka á gangstéttina í gær. í fimbulkulda. en hann var líklega bara að gera grín og lét hundinn sinn kúka stuttu seinna. þessi grey... svei mér þá ef ég er ekki orðin svolítið þreytt á að búa í návist þeirra. eins og ég hef nú verið dugleg að leiða þetta hjá mér – vorkennt þeim og sent blíð bros. ég óska mér þess vegna íbúð í 30 ára afmælisgjöf. 30 árin eru einmitt næsta taugaáfallið sem ég þarf að komast yfir. hélt alltaf að maður ætti að vera orðin settleg fullorðinskelling sem 30 ára. ég á langt í land.
nú ætla ég að byrja aftur að skrifa eftir alltof langa slúðurpásu með dorte, kaffi og kanilsniglum frá emmerys.
ástarkveðjur,
kristjana stressskrímsli

úff púff

aldeilis sem tíminn líður. innan við tvær vikur í skil en samt er ég enn alveg pollróleg. eða í rauninni er ég orðin óróleg vegna þess hve róleg ég er. ef það er hægt. tómt kæruleysi um helgina. leit varla á þessa ritgerð. gat ekki staðist ókeypis rauðvín og bjór á föstudaginn. svo kom laugardagur og það er sá dagur sem mér finnst erfiðast að vera dugleg á. ákvað að vera best á sunnudaginn frekar... en eftir eina rauðvínsflösku á laugardagskveldið gat ég ekki barið djöflana í burtu frá mér lengur. er svo sjúk. sagði já takk við boði fröken trine og hennar herra og fór í geim vopnuð öldrykkjum og rauðvíni. mjög notalegt. auðvitað gerði þetta að verkum að ég stóð varla upp allan sunnudaginn, nema rétt til að hitta gerðu og dísu á kaffihúsi um kveldið. ansans vesen. en maður getur fundið jákvæða vinkla á þessu öllu saman. nú ætti ég að þola stanslaust stærðfræðihux næstu tólf dagana þar sem ég viðraði hausinn minn svona afskaplega vel um helgina.
eins og vanalega er annars lítið um fréttir héðan. aðallega er það verðið sem segja má sögur af, en hér er viðbjóðslega ískalt og snjór. mjög svo áhugavert. allaveganna finnst morgunfréttunum á tv2 það og eyða miklu púðri í þetta skemmtilega veðurþema.
er farin í mathworld, kem aftur síðar...

djúpurnar búnar að yfirgefa mig

tók mig til og vann hluta af deginum í gær og er nú loksins byrjuð að skrifa smávegis í yfirlitið. ég þakka djúpunum góðu sem andri frændi gaf mér í spilakaffihúsaferðinni á sunnudaginn. 700 gramma pokinn kláraðist á tveimur dögum, ásamt fjórum anton berg marcipan brauðum, einum poka af stjernemix og tveimur stórum daim. djúpurnar hjálpuðu mér mest í gegnum þennan erfiða upphafsdag mikillar vinnu. vona að ég geti haldið áfram þó svo að þær séu væntanlega á leiðinni í klósettið.
annars er ég á fullu að plana hvað skuli gera eftir skil. fara út að borða, fá heimsókn frá kaupmannahöfn, fara í heimsókn til kaupmannahafnar, þrífa gardínur, þrífa sófa, laga gardínur, græja nýja standlampann, gera jólahreingerningu, drekka bjór, halda skotpartí (má bara drekka skot), lesa non-stærðfræðibækur, hlusta á tónlist, fara á tónleika, skipuleggja mexíkóferð, hlakka til að fara á all tomorrow´s parties... jösús hvað ég þarf að gera margt. og svo náttúrlega má ég ekki gleyma að byrja að vinna.
allaveganna... ég hlakka ógurlega til all tomorrow´s parties... nú fara að hrúgast upp ýmisskonar góðgæti í line-upið... dinosaur jr., sleater-kinney og the shins eru kúratorar. fullt af skemmtilegu komið eins og t.d. broken social scene, boredoms, lightning bolt, joanna newsom, the new pornographers, the decemberists... ekki slæmt. persónulega hlakka ég ógeðslega til að sjá lightning bolt. get ekki beðið eftir að fá verk í eyrun af hávaðanum sem þessir gaurar geta búið til. alger snilld. verður líka gaman að sjá boredoms. ætla svo kannski að gráta yfir joönnu. er samt ekki viss vegna þess að mér finnst við vera að vaxa frá hvor annarri. það verður líka unaður að sjá new pornographers og decemberists, enda ég búin að hlusta ofsalega mikið á þessar tvær síðasta árið. jösús. himaríki it is.
og meiri músíkó... er búin að vera í þvílíku poppstuði undanfarið og hefur m.i.a. fengið að þeytast ansi vel inní græjunum. snilldarpopp og tel ég að allir þurfi að eiga þessa plötu. gerir mann svo glaðan. einnig hefur digable planets líka fengið sinn skammt eftir margra mánaða hlé. þetta passar upp á að skapið mitt fari ekki í mykjuna. best að reyna að halda áfram að reita.

helgin sem fór í rassgatið

um helgina ætlaði ég mér að verða brjáluð vinnukona. svo varð ekki. undanfarið hef ég látið sem ég sjái ekki þessa bölvuðu ritgerð. í stað þess að hangsa og hygge mig eins og ég geri vanalega er ég búin að vera agalega dugleg að sortera. ég er sem sagt búin að taka allt út úr skápunum heima hjá mér og ná í nokkrar töskur niðrí geymslu sem voru fullar af fötum og skóm. svo var sorterað. gaf slatta til kirkens kors hær, t.d. sirka fimmtán pör af skóm. henti ótrúlega miklu og svo var sumt sett á stand-by. eru nú aðeins sirka þrjátíu pör af skóm til taks - íþróttaskófatnaður meðtalinn. kannski maður reyni að selja stand-by draslið á trendsales eða jafnvel að maður leigi sér bás á coupe-makaðinum sem er stórsniðugt fyrirbæri. fór líka í ikea og keypti kassa á hjólum, rúmföt og margt annað... henti úldnum kössum og rúmfötum. it feels gooood...
mér finnst ég búin að vera ótrúlega dugleg. svo dugleg að ég fór og fagnaði á laugardaginn með því að taka smá bjórdrykkju með signe og trine og var það mikið stuð. þetta eru hlutir sem ég myndi aldrei nenna að gera venjulega (þá ekki bjórsoparnir) og er það hrikalega typical að fara í svona verkefni þegar maður á að vera gera eitthvað allt annað. málið er að ég nenni engan veginn að byrja að skrifa þetta fokkings yfirlit og samviskubitið verður öllu þolanlegra þegar maður fer í svona sorterings-trans, en ef maður myndi liggja í bólinu sínu heilu kvöldin með tölvuna, fjarstýringarnar, kókflösku og þrjú kíló af nammi undir sæng. ég hélt allaveganna út það að ignora vinnuna alla helgina. skellti mér á loppemarked og keypti hálsmen, lampa og afar fallega skó. hangsaði á kaffihúsum og fór sjálfviljug í hjálparferð til sjúklings. já, þannig er nú það. ég er samt alveg pollróleg yfir þessu öllu saman og það þykir mér heldur einkennilegt. held samt að ég þurfi að fara að huga að því að fá skilafrest á ritgerðarmellunni. luvs&knúses...

þrjár vikur í skil...

nú er að koma helgi og þá á maður að hoppa og skoppa í gleðinni. ég skoppa hinsvegar ekki mikið í dag, enda er ég einkennilegur auli sem á að skila doktorsritgerð eftir þrjár vikur. er doldil stresspíka, en samt alls ekki nógu mikil. get bara ekki tekið mig saman in da face og unnið eins og vitleysingur. skil ekkert í mér. mætti halda að mér væri skítsama hvernig þessi ritgerð verður. ég vakna á hverjum morgni klukkan sirka tíu og er ekki komin í vinnuna fyrr en rétt um ellefu. þá tekur við smá surf, lesa meil, skrifa meil og kannski splæsi ég í e-ð sniðugt á netinu. hádegismaturinn er fasti punkturinn í lífi mínu. hálf tólf. klukkan tólf þarf ég að melta og gera ýmislegt sem því tengist... kaupa mér kaffi og svona og sirka hálf eitt byrjar vinnudagurinn. sjæse. ekki gott. svo er ég heldur ekkert góð í að segja nei við félagslegum gjörningum á kveldin svo ég er yfirleitt hætt að vinna um sjöleytið. algjör kjáni. á morgun byrjar nýr dagur. þá gerist ég brjáluð vinnukelling.

annars gerist ekki mikið í mínu skonsulífi... uppgötvaði þó eitt afar smellið í vikunni. ég viðurkenni það að ég er ekki mjög fær þegar kemur að fjármálum og er frekar kærulaus hvað þetta varðar. skulda doldið mikið og eru lán, yfirdrættir og slíkt ekkert sem ég fæ í magann útaf. skulda líka 8000 dkr í boligstøtte. nema hvað... uppgötvaði að ég hafði sótt um námslán síðasta sumar sem þýðir að ég fæ kannski væna summu frá lín þegar ég skila ritgerðinni!!! var búin að steingleyma þessu og þetta gæti jafnvel þýtt að ég mun geta borgað skuldir og byrjað nýja lífið í nýju vinnunni með aðeins einn einfaldan yfirdrátt. himnekst alveg. ég verð ný kona... endurfædd.

Ps by the way... einhver sem sendir jólakort undir nafninu MC KR?

boring kellingin ég

hún dísa mín... skrifstofufélagi, vinkona, þjáningardoktorsnámssystir, sveitastúlka með meiru... er komin með bloggsíðu. nú hef ég ástæðu til að skrifa. þetta eru sem sagt fréttirnar mínar í dag. er alveg stífluð í hausnum og hef ekkert að segja. lífið mitt er nefnilega afskaplega boring.
á föstudagskveldið fórum ég, solveig og monica á emmerys og keyptum okkur kökur. fórum svo heim til mín, borðuðum þær og drukkum kaffi. á laugardaginn slappaði ég af, fór til trine og við bíttuðum á skóm. ég keypti nefnilega afar fína skó á ebay (sjá mynd) um daginn sem voru of litlir og hún á trendsales sem voru of stórir. svo fór ég heim. lá í sófanum mínum í fimm klukkutíma, drakk kaffi og hlustaði á tónlist. t.d. eldgamlann disk með polvo sem er svaka fínn, evan dando og svo clientele og microphones sem eru hluti af diskaflóðinu frá insound sem ég beið svo lengi eftir. svo komu solveig og dorte i heimsókn og við slúðruðum og drukkum nokkra bjóra. á sunnudaginn reyndi ég að vinna smá, gerði hreint bara svona rétt á yfirborðinu, horfði á coffee and cigarettes og hafði það notalegt. mér finnst coffee and cigarettes ekkert sérstök. skemmtileg hugmynd og allt það... en það eru ekki mörg samtölin sem eru að gera sig. max tvö eða þrjú.
eins og sjá má, þá er ekki mikil spenna í mínu lífi þessa dagana svo ég held ég geymi það að skrifa aftur þangað til ég hef kannski eitthvað að segja. veit ekki hvort það mun gerast enda ég með einstaka þörf fyrir að tala um ekkert.
með von um luvlí viku...
kyj

á þessu ári ætla ég að endurfæðast

árið til ykkar… gaman þykir mér að nú skuli vera komið nýtt ár. held ég hreinlega að þetta árið verði sérdeilis gott og hlakka ég mikið til að takast á við lífsins verkefni. kannski ekki alveg þennan fyrsta mánuð, en eftir það verður vonandi gleði og hamingja. strax búin að skipuleggja tvær og hálfa utanlandsferð og verða þær vonandi fleiri. mexíkó á ráðstefnu + nokkrir dagar í fríi, all tomorrows parties í maí og svo 30 ára helgarferð með vinkonunum á ísalandi. nýja vinnan verður vonandi spennandi og skemmtileg. svo langar mig líka að flytja í nýja íbúð, en það verður væntanlega að bíða betri tíma og viðbjóðs sparnaðar.
mín áramót voru alveg mjög hugguleg. fór í mat hjá trine og johannesi ásamt nokkrum ljúflingum. ekki voru sprengjurnar þó margar í danaveldi en kvöldið var gott. frekar í rólegri kantinum þangað til ég, signe og lise skunduðum í teiti. þar læstist "úti" í kæliherbergi uppá lofti en fannst það bara gaman. þetta leiddi af sér að ég var hálf tussuleg dagana eftir gamlárs... en veit ekki hvort um var að ræða margra daga þynnku eða einhverja veikindadruslu. tippa á hið fyrrnefnda. nú eru svo tæpar fjórar vikur í skil á blessuðu ritgerðinni og ég er enn að basla við það sem ég ætlaði að klára fyrir jól. er þess vegna í meira lagi stressuð, en á samt einstaklega erfitt með að taka hlutina alvarlega og demba mér í vinnusjúklingsham. finnst bara ógeð leiðinlegt að vera svoleiðis og er auðvitað alltaf til í að leika mér að einhverju öðru.. en þetta hlýtur að fara að koma. ég skal eiga ekkert líf það sem eftir lifir skuggamánaðar.
óska ykkur lukku á þessu ári og billjón hamingjustunda...
ást&friður...